Así foi a miña experiencia na WordCamp España Online

Sei que non podo condensar ben todo o que me gustaría dicir deste evento, porque me esquecería de nomear algo ou alguén e iso sería inxusto.

Prefiro deixar unhas notas a modo de Chío longo que resuman todo o que se me pasou pola cabeza nos últimos días, que foron moi especiais para min.

Antes de nada, o meu agradecemento á organización. A quen o fixo posible.

Todo saíu perfecto, ou polo menos esa é a impresión que me deu.

É máis, vendo os incribles números que publicou Pablo Moratinos na súa conta de Twitter, o raro é que non fallase nada.

https://twitter.com/pablomoratinos/status/1259228019132108800

Canta máis é a xente, máis variables hai que ter en conta e máis cousas poden ir mal.

Pero non, todo saíu de luxo.

Brutal, parabéns e grazas!

Relatores cun nivel espectacular

Non vin todas as charlas que me gustaría, pero as que vin encantáronme:

• Wajari Velásquez falou de SEO. Charla de puro valor, amena e súper simpática.
• Nando Pappalardo sobre neuromarketing. Moi útil se vendes produtos na túa web (físicos ou dixitais).
• Clara Ávila presentounos por que facer unha newsletter e como xestionala.
• Itziar Sistiaga ensinounos como escribir contando historias e que problemas podemos atopar nese camiño.
• José Conti deu unha masterclass sobre métodos de pago en WooCommerce.
• Lúa Louro falou de TIPs para construír sitios de membresía.
• Fernando Portomeñe repasou os pasos básicos á hora de abrir un WooCommerce.
• O boss de WordPress tamén estivo… vaia luxo.
• Jesús Amieiro presentou xeitos de sacarlle partido a GIT.
• Esther Solà falou de creación de formularios con ACF. Magoa que só fosen 30 minutos.
• Nahuai Badiola combinou optimización e conciencia ambiental con consellos para facer a web máis sostible.
• Darío BF marcouse unha masterclass sobre como funcionan os temas de WordPress e como van funcionar no futuro.

Estas son as que eu puiden ver en directo. Entre charla e charla había que contestar un email a un cliente ou facer algunha modificación nalgunha web.

Perdinme por iso algunhas ás que lles tiña moitas ganas.

Pero sabes o mellor?

Que, se perdiches algunha como é o meu caso, pódelas ver en WordPress.tv.

Nos próximos días revisareinas todas.

A miña primeira charla nunha WordCamp

E ben, si, entre tanto crack tamén me colei eu.

Falei de como configurar a páxina da túa tenda online con bloques de Gutenberg.

Pareceume un tema interesante, a verdade. E ao estar en constante evolución, aos bloques que coñeciamos hai 6 meses ou 1 ano incluíronse máis.

Foi toda unha experiencia, aínda que creo que non estivo á altura doutras.

Comprométome a ir mellorando para o futuro hehehe.

Aquí pódela ver.

Non podo deixar de lembrar que a asistencia á WordCamp Pontevedra 2019 fíxome retomar o blog despois duns meses de inactividade, e mantíveno actualizado desde aquela.

Toda a comunidade xera un xute de enerxía xenial.

Grazas!

Contributor

Para finalizar o evento participei na mesa de traducións do Contributor Day, o día onde lle devolvemos algo á comunidade WordPress.

Neste caso, púxenme a traducir as cadeas de texto que estaban pendentes no plugin de  Advanced Custom Fields.

Agora xa está 100% en galego.